Ақпараттық жүйе

Астана жастары депутат Бақытбек Смағұлмен кездеседі

Make — Wed, 15 Apr 2015 07:30:01 GMT

Л. Н. Гумилев атындағы Еуразия ұлттық университетінде сәуір айының 17-жұлдызы күні сағат 15.00-де (Қ. Сәтбаев көшесі 2, 208 ауд.) ҚР Парламент Мәжілісінің депутаты, «Қазақстан ардагерлері» қауымдастығының төрағасы, қоғам қайраткері Бақытбек Смағұлмен кездесу өтеді.

«Тұлғатану» жобасы аясында ұлтжандылығымен жұртшылыққа танымал азаматпен болатын жүздесуде студенттер мен кеш қонағы арасында еркін диалог құрылып, отаншылдық, ұлттық рух, азаматтық ар-намыс, батырлық, мемлекетшілдік биік сана сынды өзекті тақырыптар сөз болады. Жаужүрек ерлер мен ел үшін маңдай терін төккен азаматтар туралы айтылып, Бақытбек Смағұлдың патриоттық тақырыптағы өлеңдері оқылады.

Қазақ хандығының 550 жылдығы мен Ұлы Жеңістің 70 жылдығына орайлас келіп отырған іс-шарада халық арасында орасан қара күшімен танылып жүрген балуан қонақ болып, көрерменді тамсандырар өнер көрсетеді деп күтілуде.

Астананың барша жастарына есік ашық!

2015 жылдың 30 сәуірінде Л.Н. Гумилев атындағы Еуразия ұлттық университеті мектеп, колледж түлектері мен ата-аналарды

Make — Mon, 13 Apr 2015 19:09:28 GMT

2015 жылдың 30 сәуірінде Л.Н. Гумилев атындағы Еуразия ұлттық университеті мектеп, колледж түлектері мен ата-аналарды Ашық есік күндеріне шақырады.

Бағдарламада:

- факультеттермен етене танысу;

- оқу ғимараттары, дәрісханалар, музей, ғылыми орталықтарды аралау.

Бүл күні Сіздер білім ордамызға оқуға түсу бойынша барлық қызықтыратын қажетті ақпараттарды ала аласыздар.

Сіздерді ЕҰУ-дің бас ғимаратында мына мекен-жай арқылы күтеміз: Астана қ., Сәтпаев көшесі, 2, (бұрынғы Мирзоян көшесі).

Іс-шараның басталуы: сағат 15.00.

Барлық сұрақтар бойынша келесі телефонға хабарласуларыңызға болады: +7 (7172) 709466.

«Жас Отан» Жастар қанатының кезектен тыс ІІІ съезі өтті.

Make — Thu, 09 Apr 2015 21:26:20 GMT

2015 жылғы 9 сәуір күні елордадағы Тәуелсіздік сарайында «Нұр Отан» партиясы жанындағы «Жас Отан» Жастар қанатының кезектен тыс ІІІ съезі өтті.

Съезд жұмысына еліміздің барлық өңірлерінен келген 2000 делегат қатысты, олардың ішінде «Жас Отан» Жастар қанатының өңірлік филиалдарының өкілдері, жастар ұйымдарының көшбасшылары, шығармашылық, ғылыми, жұмысшы және ауыл жастарының өкілдері, әйгілі қазақстандық спортшылар, мәслихат депутаттары және басқалары бар.

Съезд шеңберінде қатысушылар «Қазақстан-2050» Стратегиясын іске асырудағы жастардың рөлін талқылап, «Жас Отан» Жастар қанатының 2020 жылға дейінгі бағдарламасын қабылдады.

Сьездің ресми ашылуынан кейін Л.Н. Гумилев атындағы Еуразия ұлттық университетінің қабырғасында секциялық жұмыстар шеңберінде белсенділер жұмысы жалғасын тапты. Секциялық алаңдардағы жұмыстар «Қазақстан 2050»: біз ел келешегін қалай елестетеміз?, «Нұрлы жол» бағдарламасы және жастар, «Жас Отан» жұмысының жаңа пішімі: PR-акциялар мен жобалық қадам, Жастар проблемасы: сын-тегеуріндер ме, әлде мүмкіндіктер ме?, «Мәңгілік Ел» ұлттық идеясы - болашақ жеңістердің бағдары» сынды тақырыптарға арналды.

ҚР Білім және ғылым вице-министрі Тахир Балықбаев қатысқан басқосуда Жастар саясаты туралы жаңа заңға «жас маман» ұғымы енгізіліп, аталған заң жобасын іске асыру бағытында Еңбек кодексіне өзгерістер енгізілгені сөз болды. Ондай өзгерістер жастарға әлеуметтік қолдау көрсетуді қамтып, еңбек және жұмыспен қамту саласындағы кепілдіктерді қарастыратыны жеткізілді.

Вице-министрдің айтуынша, жұмыс беруші мен жұмысқа алғаш кірген жас маман арасындағы екі жылдан кем емес белгілі мерзімге жасалған еңбек шарты, өзара келісім негізінде іске асады. Бұдан бөлек, жас маманды әлеуметтік қорғау және жұмыспен қамту саласында кепілдікті қамтамасыз ету көзделген.

Келесі кезекте сөз алған Ақмола облысының жастар саясаты мәселелері басқармасы басшысы Шахмардан Байманов «Мемлекеттік жастар саясаты туралы» Заңының негізгі ережелері, жастар саясаты саласындағы 2014 жылдағы жетістіктері және 2015 жылға арналған әлеуетті бағыттары туралы әңгімеледі.

«Жас Отан» Жастар қанатының ІІІ съезіне қатысушы делегаттар жиын соңында естелік суретке түсіп тарқасты. Ұйымдастырушылардың айтуынша, съезд делегаттары осы сапарында Астананың көрікті жерлерін аралап, туған жерлеріне үлкен әсермен оралмақ.

Үстіміздегі жылдың 11 - сәуірінде Еуразия ұлттық университеті журналистика және саясаттану факультетінің мәжіліс залында.....

Make — Thu, 09 Apr 2015 21:11:55 GMT

Үстіміздегі жылдың 11 - сәуірінде Еуразия ұлттық университеті журналистика және саясаттану факультетінің мәжіліс залында радиожурналистика ардагері, тәлімгер-ұстаз, ғалым, журналист Рахима Шәріпқызы Нуриденнің мерейтойына орай «Қазақстандық патриотизм және журналистика» деп аталатын халықаралық семинар өтеді.
Негізгі бағыттары:
1.Филология ғылымдарының кандидаты, доцент Рахима Шәріпқызы Нуриденнің мерейтойына арналған құттықтаулар.
2.Қазақ хандығының 550 жылдығы және БАҚ;
3.Ұлы Жеңістің 70 жылдығы және БАҚ;
4.Қазақстан халқы Ассамблеясы және БАҚ.
5. «Student vizion» блог-платформасының ашылу рәсімі
Талқылау форматы:
Отандық және әлемдік журналистикадағы патриоттық, Отансүйгіштік пен БАҚ-тағы толеранттылық, төзімділік, татулық тақырыптарын талқылау. Сонымен қатар қазақ журналистикасының қазіргі проблемалары мен ұлттық мүддесі, ақпараттық қауіпсіздік пен кәсіби дамуы жайлы да сөз болады.
Аудитория: Факультет ОПҚ, студенттер, магистранттар, докторанттар, Астана және Алматы қалалары мен басқа республикалардан келген ЖОО, БАҚ өкілдері қатысады.
Өткізілу уақыты: сағ. 11.00.2015 жыл
Өткізілу орны: Л.Н. Гумилев атындағы ЕҰУ, № 4, каб. 106
Келемін деушілерге есік ашық!

Л.Н. Гумилев атындағы ЕҰУ

Make — Thu, 09 Apr 2015 21:08:34 GMT

Л.Н. Гумилев атындағы ЕҰУ студенттер, магистранттар мен докторанттар, 35 жасқа дейінгі жас ғалымдар арасында инновациялық жобалар байқауына өтінімдерді қабылдайды.
Өтінімдер Л.Н. Гумилев атындағы ЕҰУ-дің бас ғимараты, 313 каб. қабылданады.
Тел.: 31-315, 31-334, +7 (7172) 70-94-93 ағымдағы жылдың 10 сәуіріне дейін. Байқаудың ақтық бөлімін өткізу күні туралы қосымша ақпарат алдағы уақытта берілетін болады.
Ресімдеу тәртібі, өткізу шарттары мен талаптары – Байқау туралы Ережеде
Басты жүлде – университеттің Start up аймағы аясында 5 миллион теңгеге дейін қаржыландыру.

АЖ-13 тобы

Make — Wed, 08 Apr 2015 04:56:28 GMT